Vika 46 (06.112 - 12.11) birt.

Nýr vikulegur listi hefur verið gefinn út á veflistinn.is

Einn dagurinn 11.11

Í vikunni var vefverslunahátðíð sem kalla mætti „Einn dagurinn“ (e. Single's Day), eða „Einhleypingahátíðin“ ef notast er við kínverskt heiti dagsins, 光棍节. Þessi dagur var haldinn hátíðlegur með útsölum í íslenskum vefverslunum og hafði það mjög jákvæð áhrif á fjölda heimsókna vefjanna.
Skor.is sannaði og sýndi að hún er líklega ein vinnsælasta fataverslun íslands á vefnum með þeim árangri að notendafjöldi vefsins hækkaði um rúmlega 50% og náði þessari viku 17.153 notendum. Þeirra fyrra met var sett í fertugustu viku þessa árs þegar þau náð þeim áfanga að 11.108 notendur voru taldir yfir þá vikuna.

Við reglulegt eftirlit kom í ljós að vélræn (ólögleg) umferð reyndist svo lítil að ekki var unt að nema hana með sjálfvirkum aðferðum. Eingöngu er um að ræða nokkra tugi notenda á viku hjá verslunarvefnum skor.is, en þessi umferð var sérstök að því leiti að alltaf fylgdust þrjár síðuflettingar að þó með ójöfnu millibili. Því gekk fjöldi þessara vélrænu heimsókna á hverja vefsíðu upp í þrjá. Að venju var notkunin dregin frá tölum vikunnar og talning á henni stöðvuð.

// gudmundur

Skrifað 13. Nov 2017 13:55