Modernus

Athugasemdir hjá tveimur stærstu vefjunum

Athugasemdir eru við gögn mbl.is og visir.is, tveggja stærstu vefjanna á lista Samræmdrar vefmælingar sem birtur var í dag. Slíkt hefur aldrei áður gerst í tæplega 11 ára sögu listans. Athugasemdirnar eru birtar í samráði við báða vefina.

Athugasemdir Modernus eru mjög sjaldan birtar opinberlega á listanum og aðeins ef sýnt þykir að gögn viðkomandi vefjar séu ófullkomin þannig að tölurnar séu lægri en annars mætti ætla (of háar tölur eru auðvitað ekki birtar).

Tilgangurinn með birtingu athugasemda er að upplýsa markaðsaðila um ástæðu fráviks í tölum vefjar. Modernus upplýsir hins vegar ekki nánar um atvik sem leiða til athugasemda, heldur beinir fyrirspurnum þar um til viðkomandi aðila.

RSK.is er nú kominn í hópinn að nýju eftir nokkurt hlé, og eins og sjá má af tölum vefjarins fer nú hver að verða síðastur til að skila/staðfesta skattframtalinu!

Minnt er á fund hjá samráðshópi vefjanna nk. miðvikudag kl. 10 árdegis.

Filtering á URL og mæling á Video-áhorfi

Næstu tveir nýir liðir í vefmælingunni, sem þegar er byrjað að forrita, eru flokkun (filtering) eftir vefslóðum eða hluta vefslóða (URL filtering) annars vegar og mæling á áhorfi og notkun á myndsyrpur hins vegar.

Vefslóðirnar eru þegar geymdar í gagnagrunni Modernus svo tiltölulega einfalt er að útbúa flokkun/leit (filtering) sem gefur notendum færi á að skoða notkunina á ákveðna vefslóð eða tilgreindan hluta hennar. Mæling á áhorfi á myndsyrpur er flóknara mál og verður hönnuð og forrituð þegar uppsetningu á „URL-filteringu“ er lokið.

Tölur vikunnar seinna á ferðinni í dag

Birting á lista Samræmdrar vefmælingar fyrir nýliðna viku tefst til um kl. 15 í dag.

Örugg móttaka kortanúmera

Svarboxkerfið er margfallt öruggara en venjulegur tölvupóstur, sem alls ekki ætti að nota við móttöku á kortaupplýsingum. Svarboxkerfið hreinsar sjálfkrafa út kortanúmer, eftir að samtali lýkur. Þetta þýðir að öruggt er að taka móti kortanúmerum frá viðskiptamönnum í venjulegu spjalli (sem getur verið nauðsynlegt og mjög þægilegt fyrir viðskiptavininn). Kerfið merkir sérstaklega tölur sem koma inn forminu xxxx xxxx xxxx xxxx, með og án bils eða striks, og eyðir þeim sjálfkrafa eytt úr grunninum að loknu samtali. Þar með uppfyllir Svarboxkerfið kröfur kortafyrirtækjanna.

Modernus